Նոր ծրագրեր` ուղղված երեխաների զարգացմանը

ՀՀ կրթության եւ գիտության նախարարության եւ «Փրկենք երեխաներին» միջազգային կազմակերպության հայաստանյան մասնաճյուղի միջեւ այսօր համագործակցության հուշագիր է ստորագրվել:

Առաջին ծրագիրն իրականացվելու է Երեւանի եւ մարզերի 20 դպրոցներում, նպատակն է` հզորացնել երեխաների ունակությունները, որպեսզի նրանք կարողանան ակտիվ դերակատարություն ունենալ իրենց համայնքների եւ իրենց զարգացման գործում:

Երկրորդ ծրագիրն իրականացվելու է Արագածոտնի, Արմավիրի եւ Գեղարքունիքի մարզերի 12 կարիքավոր համայնքներում եւ նպատակ ունի առավելագույնս նպաստել երեխաների կրթությանը եւ ունակությունների զարգացմանը:

Համատեղ իրականացվող երրորդ նախագիծն ուղղված է նախադպրոցական տարիքի երեխաների կրթական եւ խմանքի ծառայությունների որակի բարելավմանը: Այն իրականացվելու է Սպիտակ, Վանաձոր եւ Դիլիջան քաղաքներում:

«Մենք ցանկություն էինք հայտնել ծրագրերն իրականացնել ոչ Երեւանում, քանի որ Երեւանից դուրս կարիքները շատ ավելի մեծ են: Ընտրված մարզերում ուսումնասիրել ենք բոլոր համայնքները եւ ընտրել առավել կարիքավորները»,-ասաց «Փրկենք երեխաներին» կազմակերպության հայաստանյան մասնաճյուղի ղեկավար Իրինա Սաղոյանը: