Մոուրինիոյի մյուս երեսը

ՊՍԺ-ի կիսապաշտպան Կլոդ Մակելելեն պատմել է «Չելսիում» անցկացրած տարիների և մարզիչ Ժոզե Մոուրինիոյի հետ փոխհարաբերությունների մասին:

«Ժոզեն բնածին հաղթող է, նա գիտի ճիշտ օգտագործել ֆուտբոլիստներին և նրանցից ցանկալի արդյունք ստանալ: Այդ առումով նա մեծ մարզիչ է: Խնդիրն այն է, որ հետո նա քո մասին մոռանում է: Մոուրինիոն հաշվենկատ, դաժան և ամբիցիոզ մարդ է: Նա միշտ ֆուտբոլիստներին իր փառքի ստվերում է պահում: Մենք միասին խմել ենք, կատակել ենք, բայց, ինչ-որ պահից սկսած, նրան նոր աստղային ֆուտբոլիստներ են սկսել հետաքրքրել: Նա ոչ մեկին չէր թույլատրում իրենից ավելի հայտնի լինել»,- ֆուտբոլիստի խոսքերը մեջբերում է  El Confidencial-ը: