Մոուրինիոյի անակնկալ հայտարարությունը

Մադրիդի «Ռեալ»-ի գլխավոր մարզիչ, պորտուգալացի Ժոզե Մոուրինիոն` Արքայական գավաթի` «Բարսելոնա»-ի դեմ հանդիպումից առաջ հանդես է եկել հետաքրքիր հայտարարությամբ:

«Մենք սիրում ենք  «Բարսելոնա»-ի դեմ հանդիպումները: Բոլոր խաղացողները անհամբեր սպասում են այդ հակամարտությանը: Նախընտրում եմ հենց այսպիսի հանդիպումները: Անհամբեր սպասում եմ խաղին, ինչպես նաև «Մանչեսթեր Յունայթեդ»-ի հետ խաղին: 

Մենք պետք է ցույց տանք մեր լավագույն ֆուտբոլը և հաղթենք: Նախընտրում եմ դասեր քաղել կապտանռնագույնների հետ նախորդ հանդիպումներից:

Սովորել եմ`պետք է արդար խաղալ, ինչպես պետք է ֆուտբոլիստը պահի իրեն խաղադաշտում: Այն, որ պետք չէ առաջին իսկ պատահած դեպքում վազել մրցավարների մոտ: Պետք չէ սիմուլանտության գնալ:

Եվ իհարկե ամենակարևորը` պետք է խաղալ այնպիսի ֆուտբոլ, ինչպիսին ցուցադրում է «Բարսելոնա»-ն»,- անակնկալ կերպով հայտարարել է պորտուգալացի մասնագետը: