Մել Գիբսոնը մեղադրվում է

Հոլիվուդյան հանրահռչակ դերասան Մել Գիբսոնը դատարանի առաջ է կանգնելու ընտանեկան բռնության մեղադրանքով: Նրան մեղադրում է իր նախկին ընկերուհին` Օկսանա Գրիգորիեւան, որը Գիբսոնից մի աղջիկ ունի: Նրանց հարաբերությունները վերջին ժամանակաշրջանում շատ լարված էին, ինչն էլ անցյալ տարվա ապրիլին հանգեցրեց նրանց սիրավեպի ավարտին:

Գրիգորիեւան հայտարարել է, որ Գիբսոնը վեճի ժամանակ հարվածել է իրեն ու քաշել ատամը: Անցյալ ամռանը Radaronline.com կայքում մի ձայնագրություն էր զետեղվել, որում` հավանաբար Մել Գիբսոնը Գրիգորեւայի հասցեին ռասայական բնույթի սպառնալիքներ ու հայհոյանքներ է տեղում:

Սակայն Գիբսոնը պնդում է, որ ձայնագրությունը կեղծ է, Գրիգորեւայի ձեռքի գործն է, որ իրենից բաժանվելու պատճառ ունենա: