Փոխարժեքներ
01 10 2024
|
||
---|---|---|
USD | ⚊ | $ 387.29 |
EUR | ⚊ | € 433.34 |
RUB | ⚊ | ₽ 4.17 |
GBP | ⚊ | £ 519.2 |
GEL | ⚊ | ₾ 141.99 |
Ֆրանսիայի նոր արտգործնախարար է նշանակվել Ալեն Ժյուպեն, ով մինչ այդ զբաղեցնում էր պաշտպանության նախարարի պաշտոնը. տեղեկացնում է «Ֆրանս պրես» գործակալությունը` վկայակոչելով երկրի նախագահ Նիկոլա Սարկոզիին:
Պաշտպանության նախարարի պաշտոնում նշանակվել է «Հանուն ժողովրդական շարժման միություն» իշխող կուսակցության Սենատի խմբի ղեկավար Ժերար Լոնգեն, իսկ ՆԳ նախարար է դարձել երկրի նախագահի գրասենյակի ղեկավար Կլոդ Գեանը:
Կառավարությունում կադրային փոփոխությունները տեղի են ունեցել կիրակի օրը` արտգործնախարար Միշել Ալիո-Մարիի հրաժարականից հետո:
Ֆրանսիական «Լը մոնդ»-ի տվյալներով` նրա հրաժարականը պահանջել է Նիկոլա Սարկոզին, քանի որ Ալիո-Մարին կապերի է ունեցել Թունիսի գահընկեց արված նախագահ բեն Ալիի ընտանիքի եւ վարչակազմի ներկայացուցիչների հետ: Այլ տեղեկություններով` արտգործնախարարը խելամիտ չի վարվել` ամանորյա արձակուրդներն արդեն անկարգություններով պարուրված Թունիսում անցկացնելով: