Հայաստանում` կադրային, Արցախում` սենյակային փոփոխություններ

Մինչ Հայաստանի կառավարությունում կադրային փոփոխություններով են զբաղված, Արցախի կառավարությունում «սենյակային փոխատեղումներ» են կատարում նախարարությունները:

Չնայած կառավարության նորակառույց մասնաշենքի տարածքում շինարարական աշխատանքները դեռ չեն ավարտվել` հին մասնաշենքից նորն են տեղափոխվել մի քանի նախարարություններ:

Այժմ հին մասնաշենք են տեղափոխվում որոշ նախարարութուններ եւ կառավարությանն առընթեր մարմիններ, որոնք տեղակայված էին մայրաքաղաքի այլ շենքերում:

Թե երբ է տեղի ունենալու նոր մասնաշենքի բացման արարողությունը` կառավարության աշխատակազմի ղեկավար-նախարար Սուրեն Գրիգորյանը չկարողացավ ասել Երկիրին:

Պարզ չէ նաեւ, թե ում կողմից եւ ինչպես են օգտագործվելու այն բոլոր շենքերը, որտեղից գերատեսչությունները տեղափոխվելու են կառավարության հին եւ նոր մասնաշենքերը: