Ավտովթար` Աշտարակ-Երեւան ավտոճանապարհին

Աշտարակ-Ապարան ավտոճանապարհի 13 կմ հատվածում Արագածոտնի մարզի Արտաշավան գյուղի վարչական տարածքում տեղի է ունեցել ավտովթար:

Ինչպես հայտնում է ֆոտոլրագրող Գագիկ Շամշյանը,  ՌԴ քաղաքացի, «Զառեկար» ՍՊԸ-ի տնօրեն, 1962 թ. ծնված Սեյրան Վանիչկայի Կարապետյանը, վարելով ԲՄՎ X5 70 ՍԼ 008 համարանիշի մեքենան, Աշտարակ քաղաքի ուղղությամբ ընթանալիս դուրս է եկել հանդիպակաց ուղեմաս եւ ընդհարվել 1960 թ. ծնված Գառնիկ Վոլոդյայի Հոբոսյանի ԳԱԶ 3110 64 ՍՍ 950 համարանիշով մեքենային: Բախման արդյունքում ԳԱԶ 3110-ի վարորդը եւ ուղեւորը` 1986 թ. ծնված Ռուզաննա Հոբոսյանը, մարմնական վնասվածքներով տեղափոխվել են Աշտարակի բժշկական կենտրոն, իսկ ԲՄՎ-ի ուղեւոր, 1991 թ. ծնված Նառա Կարապետյանը` Էրեբունի բժշկական կենտրոն:

Ոստիկանության Արագածոտնի մարզային քննչական բաժնում քրեական գործ է հարուցվել:

Տեսանյութը կարող եք դիտել այստեղ

Ֆոտոռեպորտաժը եւ տեսանյութը` Գագիկ Շամշյանի