ՍԴ-ն կվճռի ռուսական ռազմակայանի ճակատագիրը

Այսօր Հայաստանի Սահմանադրական դատարանը քննարկելու է Գյումրիում ռուսաստանյան ռազմակայանի տեղակայման ժամկետը 49 տարով երկարաձգելու մասին պայմանագրի համապատասխանությունը երկրի Հիմնական օրենքին:

Համաձայնագիրը քննարկվելու է գրավոր ընթացակարգով, այսինքն՝ գործն ուսումնասիրվելու է պետական մարմինների ներկայացրած տեղեկանքների հիման վրա: 2010 թվականի դեկտեմբերի 24-ին Հայաստանի նախագահը ՍԴ էր ուղարկել նույն տարվա օգոստոսին Երեւանում ՌԴ նախագահի հետ կնքած հայ-ռուսական պայմանագիրը:

ՍԴ-ի կողմից միջազգային պայմանագրերի քննարկումը Հայաստանում դրանց հաստատման հիմնական պայմաններից է: Եթե ՍԴ-ն որեւէ հակասություն չգտնի Սահմանադրության հետ՝ պայմանագիրը կներկայացվի ԱԺ վավերացմանը: