կարևոր
547 դիտում, 1 շաբաթ առաջ - 2022-09-21 23:13
Հասարակություն

Ռուսական ռազմակայանի օդաչուները վարժանքներ են անցկացրել Հայաստանում

Ռուսական ռազմակայանի օդաչուները վարժանքներ են անցկացրել Հայաստանում

Հայաստանում տեղակայված ռուսական 102-րդ ռազմակայանի բանակային ավիացիայի օդաչուներն ուսումնամարզական թռիչքներ են իրականացրել բարձրլեռնային պայմաններում։

Այս մասին հայտնում է ՌԴ Հարավային ռազմական օկրուգի գրասենյակը։ 

Մի–8ՄՏՎ-5 և Կա–52 ուղղաթիռների անձնակազմերը լեռնային կիրճերում որոնողափրկարարական վարժանքներ են կատարել «կախման» ռեժիմով և տարհանել պայմանական վիրավորներին։

Պարապմունքների նպատակներից մեկը եղել է այն, որ օդաչուները հստակ փոխգործակցեն զորամիավորման բարձրլեռնային զորավարժարաններում հատուկ առաջադրանքներ կատարող ցամաքային զորքի հետ: Թռիչքներն իրականացվել են և՛ցերեկային, և՛ գիշերային ժամերին։

Ուսումնավարժական թռիչքներին մասնակցել է թռիչքային և ինժեներատեխնիկական կազմի ավելի քան 130 զինծառայող, գործի է դրվել շուրջ 20 միավոր ռազմական և հատուկ տեխնիկա, այդ թվում` Մի–8ՄՏՎ–5 և Կա–52 բանակային ավիացիայի ուղղաթիռներ։