ԺԱՄԱՆԱԿ. Էքստազին խուճապահար է արել

Անցած ուրբաթ հայ իրավապահներին հաջողվել էր առգրավել աննախադեպ ծավալի թմրանյութ: Մասնավորապես` առգրավվել էր էքստազիի 42 000 հաբ եւ մոտ կես կիլոգրամ մաքուր հերոին:

Շաբաթ օրը ոստիկանները նախ ձերբակալել էին մի ամերիկահայի` Զոհրաբ անունով, ում միջոցով պարզվել էր, որ ներկրված աննախադեպ չափի թմրանյութի հետեւում կանգնած են բարձրաստիճան հայ պաշտոնյաներ: Թերթին հայտնի է դարձել, որ Զոհրաբի անմիջական հովանավորը  «Տաշկենտսկի Սաշա» մականունով քրեական հեղինակությունն է:

Կիրակի օրը իրավապահ մարմինները ստորագրությամբ բաց էին թողել Զոհրաբին: Սակայն երեկ ոստիկանության լրատվականը թերթի հետ զրույցում պնդել է, որ Զոհրաբին ազատության մեւ թողնելու որոշումը փոխվել է, եւ նա կրկին կալանքի տակ է: Երեկ ուշ երեկոյան թերթի աղբյուրները հայտնեցին, որ Զոհրաբը շարունակում է մնալ ազատության մեջ: