Ո՞ւր կգնա տատանվող ընտրազանգվածը

Քաղաքական տեխնոլոգիաների փորձագետ Արմեն Բադալյանի կարծիքով, չի բացառվում, որ գրագետ աշխատանքի արդյունքում Հայաստանի քաղաքական դաշտում ստեղծվի մի նոր ուժ: Ըստ նրա, մեր երկրում մի մեծ տատանվող ընտրազանգված կա, որը նոր մարդ է ման գալիս: Այս պահին այդ տատանվող ընտրազանգվածը գնում է Տիգրան Կարապետյանի ետեւից: Ինչ վերաբերում է վերջինիս ղեկավարած Ժողովրդական կուսակցությանը, ապա փորձագետի համոզմամբ, նման կուսակցություն չկա, կա միայն Տիգրան Կարապետյան, ով ներկայանում է իբրեւ ԺԿ նախագահ: Փորձագետի խոսքով, Կարապետիչը ինդիկատոր է, նրանով կարելի է ստուգել Հայաստանում տատանվող ընտրազանգվածի քանակը: «Տատանվող ընտրազանգվածը ոչ մեկինն էլ չէ` ոչ ՀԱԿ-ինն է, ոչ ԲՀԿ-ինը, ոչ ՀՀԿ-ինը: Նա առանձին մի խումբ է, որ մարդ է ման գալիս: Եթե նշված կուսակցություններն ավելի ընդգծված դիրքորոշում ցուցաբերեն, այդ տատանվող ընտրազանգվածը նորից Կարապետիչից կգնա ուրիշի մոտ»,-նկատել է փորձագետը:

Փորձագետ Կարեն Քոչարյանն էլ իր հերթին նկատել է, որ Կարապետիչին դեպուտատի մանդատն է պակասում, բայց նրա պոպուլիզմը ՕԵԿ-ի պոպուլիզմից անցել է: