Աշխարհի ամենահին հնձանը հայկական է

BBC-ն հայտնում է, որ հնագետների միջազգային խումբը Հայաստանում հայտնաբերել է աշխարհի ամենահին հնձանը: 6.000 տարվա հնություն գինեգործության համար նախատեսված քարե ավազանը հայտնաբերվել է հենց այն Եղեգնաձորի քարանձավում, որտեղ գտել են նաեւ աշխարհի ամենահին 5.500-ամյա կաշվե կոշիկը:

Հնագետները համազված են, որ մոտ 1 մետրանոց թեք հատակով քարե ավազանը նախատեսված էր խաղողը բոբիկ ոտքերով ճզմելու եւ անջատված քաղցուն զատելու համար:

Քարանձավում հայտնաբերված գինեգործության մասին վկայող գտածոներն ապացուցում են մեծ ծավալի գինու արտադրության մասին: Հայտնաբերված խաղողի կորիզներն ապացուցում են, 6.000 տարի առաջ Հայաստանում գինի ստացել են խաղողի ճիշտ այն տեսակներից, որոնք այսօր էլ մշակվում են Հայաստանում:

Հայտնաբերված հնձանը զարդարված է խաղողի ողկույզներով: Ըստ հնագետների, այն ունեցել է նաեւ պաշտամունքային նշանակություն, օգտագործվել նաեւ տոնակատարությունների ժամանակ: