Ասանժը` WikiLeaks-ի նոր նպատակների մասին

Հաջորդ փաստաթուղթը, որ կհրապարակի WikiLeaks-ը, կվերաբերի Իսրայելին: Մասնավորապես` 2006թ. Լիբանանի պատերազմին եւ Դուբայում ՀԱՄԱՍ-ի առաջնորդներից Մահմուդ ալ-Մաբուհի սպանությանը, որում ՀԱՄԱՍ-ը մեղադրում է իսրայելական հետախուզությանը` «Մոսադին», հայտարարել է Ջուլիան Ասանժը «Ալ Ջազիրա» հեռուստաալիքին տված հարցազրույցում: Նրա խոսքով` հրապարակվել է թվով 3700 փաստաթուղթ, ինչը կազմում է WikiLeaks-ի տրամադրության տակ եղած տեղեկությունների ընդամենը երկու տոկոսը: Փաստաղթերի մեծ մասի աղբյուրը Թել Ավիվում ԱՄՆ դեսպանատունն է: Ասանժն ասել է, որ Իսրայելի ներկայացուցիչները իրեն չեն խնդրել հրաժարվել հրապարակումից: