Փրկարար կատուն

Անգլիայում «Փեփեր» անունով կատվին հերոսի պես մեծարել են այն բանից հետո, երբ նա, բացելով տան պատուհանը կանխել է տանը բռնկված կրակի տարածումը և փրկել տունը այրվելուց:

Հինգ տարեկան կատուն սովորել է խոհանոցի սեղանի վրա բարձրանալով և իր ճանկերն օգտագործելով բացել պատուհանները և ամեն գիշեր իրեն դուրս թողնել:

Երբ կրակը բռնկվել է, նրա տերերը գնումների են գնացած եղել, և կատուն, իրեն չկորցնելով, բացել է պատուհանը՝ տանը հավաքված ծխին թույլ տալով դուրս գալ պատուհանից: Հարևանները տեսել են ծուխը և հրշեջներին կանչել:

«Եթե Փեփերը պատուհանը բացած չլիներ, կրակը ահռելի չափսերի հասած կլիներ»,- ասել է հրշեջ ծառայության աշխատակիցը: