Քանի՞ տարեկան է աշխարհի ամենածեր կատուն

Աշխարհի ամենածեր կատուն 24-ամյա Փոփին է, որը բնակվում է Անգլիայում: Այս մասին հայտնում է lenta.ru-ն: Իսկ The Daily Mail-ի հաշվարկներով՝ Փոփիի ապրած 24 տարին համարժեք է մարդու ապրած 114 տարվան:

Փոփին հայտնվել է Գինեսի ռեկորդների գրքում՝ որպես ներկայումս ապրող ամենատարեց կատու: Այս տիտղոսը նրան էր անցել Կանզասում բնակվող Փինքի անունով կատվից, որը սատկել էր անցյալ տարի` 23 տարեկանում:

Փոփին ապրում է մի ընտանիքում, որտեղ, նրանից բացի, բնակվում են չորս այլ կատուներ, երկու ճագար և գերմանամուկ (խոմյակ): Փոփիի տիրուհին՝ Ջեքին, պատմել է, որ մարդիկ հաճախ են հետաքրքրվում Փոփիի երկարակեցությամբ:

Տիրուհին պատասխանում է. «Կարծում եմ՝ նա հետևում է ճիշտ սննդակարգին և շատ վարժություններ է անում, զբոսնում»: