ՕԵԿ-ական նախարարի եւ Արթուր Բաղդասարյանի միջեւ անցած «սեւ կատուն» լո՞ւրջ է

Այսօր կառավարության նիստից հետո ՀՀ քաղաքաշինության նախարար Սամվել Թադևոսյանից Yerkir.am-ի թղթակիցը հետաքրքրվեց ՕԵԿ-ական նախարարների աշխատանքից ՕԵԿ նախագահ Արթուր Բաղդասարյանի դժգոհությունների մասին, թե արդյո՞ք տեղեկատվությունը համապատասխանում է իրականությանը:

Նշենք, որ մամուլում խոսվում է, թե Արթուր Բաղդասարյանի և ՕԵԿ նախարարների փոխհարաբերությունները լարված են: Քաղաքաշինության նախարարը նախ նշեց, որ տեղյակ է այդ հրապարակումներից, հետո հերքեց` ասելով, որ այդ հրապարակումները չեն համապատասխանում իրականությանը: «Որտեղի՞ց են վերցնում նման ոչ հավաստի տեղեկությունները: Ես արդեն ասել եմ, որ նման բան չկա, բայց նույն ձևով շարունակում են թերթերը գրել: Նման բան, իհարկե, չի եղել , չկա»,- ասաց նախարարը: