Տարոն Մարգարյանն ունի Երեւանի քաղաքապետի պաշտոնում ընտրվելու մեծ հնարավորություն

Դեկտեմբերի 8-ին Հայաստանի Հանրապետական կուսակցության Գործադիր մարմնի նիստում քննարկվել է Երեւանի արդեն նախկին քաղաքապետի հետ կապված միջադեպը, եւ հաջորդ քաղաքապետի ընտրության կազմակերպման հարցը:

Այդ մասին այսօր հայտնել է ՀՀԿ անդամ Կարինե Աճեմյանը: Նա նշել է, որ Գագիկ Բեգլարյանի հրաժարականի պատճառ դարձած միջադեպի (Գագիկ Բեգլարյանը ծեծի էր ենթարկել ՀՀ նախագահի արարողակարգային աշխատակիցներից մեակին) վերաբերյալ ՀՀ նախագահի տված գնահատականը տեղին էր: «Երեւանում տեղական ինքնակառավարման եւ տարածքային կառավարման մասին» օրենքի համաձայն, քաղաքապետի ժամանակավոր պաշտոնակատար Տարոն Մարգարյանն ունի այդ պաշտոնում ընտրվելու մեծ հնարավորություններ: Նոր քաղաքապետն ընտրվելու է ավագանու ցուցակից, եթե ուրիշ առաջադրվողներ չլինեն»,- ասաց Կարինե Աճեմյանը: Նա վստահեցրեց, որ Երեւանի ավագանիում ՀՀԿ-ԲՀԿ լարվածության մասին լրատվամիջոցներում պարբերաբար շրջանառվող տեղեկատվությունն իրականությանը չի համապատասխանում, եւ քաղաքապետի ընտրությունների ժամանակ միջկուսակցական հարաբերությունները չեն ազդի քվեարկության վրա:

«Եթե Բարգավաճ Հայաստանը» նույնիսկ եւ բոյկոտի ընտրությունները, այն ժամանակ պարզ կլինի մեր անելիքը: Կարծում եմ, որ դեռ վաղ է դրան  անդրադառնալ»,- նկատեց Կարինե Աճեմյանը: