ԱԶԳ. Վրաստանի նախկին սահմանների մասին խոսք լինել չի կարող

Ռուսաստանի Դաշնությունը չի սատարի ԵԱՀԿ գագաթնաժողովի եզրափակիչ փաստաթղթերում «Վրաստանի հակամարտությանե մասին ձևակերպումները: Ըստ ռուսաստանյան լրատվամիջոցների, այդ մասին հայտարարել է Ռուսաստանի արտգործնախարար Սերգեյ Լավրովը Աստանայում տեղի ունեցող ԵԱՀԿ գագաթաժողովի իր ելույթում:

Պատրաստակամություն հայտնելով գագաթնաժողովի եզրափակիչ փաստաթղթում աջակցություն հայտնել վրացական խնդրի առնչությամբ ժնևյան քննարկումներին, Ռուսաստանն, այդուհանդերձ, ըստ ԱԳ նախարարի, երբեք չի համաձայնի, որ այդ քննարկումները վերաբերեն այսպես կոչված վրացական հակամարտությանը: Ըստ Լավրովի, նման կերպ են փորձում Աբխազիայի և Հարավային Օսիայի խնդիրները ձևակերպել արևմտյան երկրների ներկայացուցիչները: