Միակողմանի զիջումների մասին խոսք չի կարող լինել, խոսքը փոխզիջումների մասին է. Շարմազանով

Այսօր լրագրողների հետ զրույցում ՀՀԿ խոսնակ Էդուարդ Շարմազանովն անդրադարձել է Արցախի խնդրի կարգավորման վերաբերյալ ՀՀԿ տեսակետին:Ըստ այդմ, Արցախի վերջնական կարգավիճակը բացառապես Արցախի բնակչության որոշելիքն է:

«Մենք սատարել ու սատարելու ենք ՄԽ համանախագահության կարգավորման երեք սկզբունքների հիման վրա խաղաղ ջանքերին: Մենք ամրացնելու ենք առաջնագիծը, հզորացնելու ենք մեր անվտանգության հիմքերը, բայց միևնույն ժամանակ միջոցներ ենք ձեռնարկելու, որ Արցախի կողմը վերադառնա բանակցային կողմ»,- ասաց Էդուարդ Շարմազանովը:Նրա խոսքով` ՄԽ սկզբունքները մերժում է Ադրբեջանը, քանի որ նրան ձեռնտու է դա:Իհարկե մադրիդյան սկզբունքները հայկական կողմի երազանքը չեն, ըստ Շարմազանովի, սակայն այդ փաստաթուղթը հիմք էհասնելու մեկ նպատակի, այն է` հասնել հայ ժողովրդի 88 թվականի աչդար դատի իրականացմանը:

«88 թվականին հիշում էինք ինչ էի պահանջում Ստեփանակերտում ու Երևանում մեր հայրերը: Բնականաբար, փոխզիջումները պետք են, սակայն դրանց մասին պետք է խոսենք այն ժամանակ, երբ Ադրբեջանը դրան պատրաստ կլինի: Միակողմանի զիջումների մասին խոսք չի կարող գնալ, բայց փոխզիջումների մասին պետք է խոսել»,- ասաց Շարմազանովը:

Նա անդրադառնալով Լևոն Տեր-Պետրոսյանի հարցազրույցներին և Արցախի հարցի կարգավորման վերաբերյալ դիրքորոշմանը, նշեց, որ այդ դիրքորոշումը չի փոխվել 90 թվականից հետո, և զարմանալի են այն մարդիկ  ովքեր այդ ժամանակ ծափահարում էին առաջին նախագահին, իսկ հիմա քննադատում են: