Անգլիայում հակերը 18 ամսվա ազատազրկման է դատապարտվել

Մեթյու Անդերսոնը 50 միլիոն «spam» նամակ է ուղարկել, որը «click» անելու հնարավորություն ունեցող հավելված է ունեցել: 50 միլիոնից 200.000-ը սեղմել են հղումի վրա, և նրանց համակարգիչը մի վիրուսով է վարակվել, որը համակարգիչները «հպատակեցրել» է հակերին:

Այնուհետև Անդերսոնը կարողացել է համակարգչից անձնական ֆայլեր և նկարներ վերցնել, նույնիսկ միացրել է մարդկանց անձնական օգտագործման վեբ-տեսախցիկները: Այսպիսով կարողացել է լրտեսել իր «զոհերին», իսկ վերջիններս բոլորվոին տեղյակ չեն եղել, որ իրենց հետևում են:

Երբ նրան չորս տարվա ոստիկանական գործողությունների արդյունքում ձերբակալել են, ոստիկանները նրա մոտ տասնյակ մարդկանց նկարներ և տեսաձայնագրություններ են գտել:

Հակերն այսօր Լոնդոնի «Southwark Crown» դատարանում 18 ամսվա ազատազրկման է դատապարտվել, սակայն ամենայն հավանականությամբ նրա ազատազրկումը ինը ամիս կտևի՝ մի շարք մեղմացնող հանգամանքների շնորհիվ, որոնցից մեկն էլ այն է, որ նա հինգ երեխայի հայր է: