Թուրք ուսուցիչը դատապարտվել է 176 տարվա ազատազրկման

Օդու նահանգի (Թուրքիա) Իքիզջեյի շրջանի դպրոցներից մեկի 40-ամյա ուսուցիչ Հյուրմեթ Աքթարը դատապարտվել 176 տարի եւ 9 ամիս ազատազրկման 10-13 տարեկան աղջիկ աշակերտների նկատմամբ սեռական ոտնձգությունների համար:

Hurriyet-ը գրում է, որ Հյուրմեթ Աքթարի դեմ Օրդուի նահանգապետարանը հետաքննություն էր սկսել դեռեւս 2009 թվականին, երբ աշակերտներից մեկի հայրը էլեկտրոնային փոստով հայտնել էր նահանգապետարանին, որ ուսուցիչը աշակերտներին խաբեությամբ այլ վայրեր է տանում եւ սեռական բռնության ենթարկում։

Հյուրմեթ Աքթարը դատական գործընթացի ընթացքում չի ընդունել իր մեղքը։ Նահանգային դատարանը մեղավոր է ճանաչել ուսուցչին 15 աշակերտուհիների նկատմամբ սեռական ոտնձգություն իրականացնելու մեջ եւ դատապարտել 176 տարի 9 ամիս ազատազրկման։