Պզոն ԱՄՆ-ում 37 ամսվա բանտարկության է դատապարտվել

«Օրենքով գող» Պզոն` Արեն Ղազարյանը, ԱՄՆ-ում 37 ամսվա բանտարկության է դատապարտվել բժշկական ապահովագրության ոլորտում խոշոր խարդախություն իրականացնելու համար. ԱՄՆ-ին հասցված վնասի չափը 163 մլն դոլար է. տեղեկացնում է РБК-ն` վկայակոչելով  «Ամերիկայի ձայն» ռադիոկայանը:

48-ամյա Ղազարյանն ընդունել էր իր մեղքը դեռեւս անցյալ տարվա ամռանը: Նա ձերբակալվել էր Հետաքննությունների դաշնային բյուրոյի կողմից 2010-ին, նրա հետ մեկտեղ ԱՄՆ տարբեր նահանգներում ձերբակավել էր հանցավոր խմբի 73 անդամ:

Դատարանը որոշել է, որ, բացի բանտարկությունից, Պզոն պետք է 60 հազար դոլար տուգանք վճարի, նաեւ բռնագրավվելու է նրա անձնական գույքը:

Արեն Ղազարյանը «օրենքով գող» է ձեռնադրվել Դոնի Ռոստովում 1991 թվականին: Մինչեւ 90-ականների կեսը ՌԴ տարածքում զբաղվել է զենքի անօրինական վաճառքով եւ թմրանյութերի մաքսանենգությամբ: