Իտալացի հետախույզը դատապարտվել է ազատազրկման ԿՀՎ-ին օժանդակելու համար

Միլանի դատարանը երկրի ռազմական հետախուզության նախկին ղեկավար Նիկոլո Պոլարիին դատապարտել է 10 տարվա ազատազրկման: Նա մեղադրվում է  ԱՄՆ Կենտրոնական հետախուզական վարչության աշխատակիցներին օժանդակելու մեջ, երբ վերջիններս 2003 թվականին առեւանգել են եգիպտացի իմամ Հասան Օմար Նասրին. տեղեկացնում է РБК-ն: 

Նասրը, որին իտալական հատուկ ծառայությունները կասկածել են գրոհայիններ հավագրելու եւ թեժ կետեր ուղարկելու մեջ, անհետացել էր միլանյան փողոցից: 4 տարի անց նա դուրս է գալիս եգիպտական բանտից եւ հայտարարում, որ այդ տարիների ընթացքում ենթարկվել է խոշտանգումների, իսկ պաշտոնական մեղադրանք իրեն այդպես էլ չի ներկայացվել: Պարզվել է, որ իմամին առեւանգել են ԿՀՎ-ի աշխատակիցները եւ իտալացի գործընկերների հետ նրան նախ` տեղափոխել Գերմանիայում ՆԱՏՕ-ի ռազմակայան, ապա` Կահիրե:

Պոլարիի հետ դատել են նաեւ հատուկ գործողության 4 այլ մասնակիցների: