Բուրջանաձեի վարորդը դատապարտվել է 12 տարվա ազատազրկման

Մայիսի 26-ին Թբիլիսիում բողոքի ակցիաների ժամանակ տեղի ունեցած միջադեպի մասնակիցը` Նինո Բուրջանաձեի թիկնազորի ավտոմեքենաներից մեկի վարորդ Շաքրիա Զուրաշվիլին, դատապարտվել է 12 տարվա ազատազրկման. տեղեկացնում է apsny.ge-ն:

Հիշեցնենք, որ Ռուսթավելի պողոտայում մայիսի 26-ին ընդդիմության բողոքի ակցիան ցրելու ժամանակ ընդդիմության առաջնորդները` Նինո Բուրջանաձեի գլխավորությամբ, փախուստի էին դիմել, եւ նրանց ավտոմեքենաներից մեկը վրաերթի էր ենթարկել իրավապահ մարմինների մի աշխատակցի, որը տեղում մահացել էր:

Ի դեպ, միջադեպի առթիվ ձերբակալված 5 անձանցից 4-ը դատապարտվել են 3-4 տարվա ազատազրկման, իսկ մեկի դատական գործը դեռ շարունակվում է: