Մուշեղ Սաղաթելյանը ազատ է արձակվել

«Վարդաշեն» ՔԿՀ-ից ազատ է արձակվել «Մարտի 1-ի գործով» ազատազրկման դատապարտված Մուշեղ Սաղաթելյանը:

Մուշեղ Սաղաթելյանը ազատ է արձակվել վաղաժամկետ-պայմանական ազատման միջգերատեսչական հանձնաժողովի որոշմամբ: Նա հայտարարել է, որ միանալու է իր ընկերներին և շարունակելու է քաղաքական պայքարը մինչև հաղթանակ:

Հիշեցնենք, որ Մուշեղ Սաղաթելյանը դատապարտվել էր 5 տարվա ազատազրկման և մեղադրվում էր ՀՀ Քր.Օր. 316-րդ հոդվածի 1-ին-2-րդ` (իշխանության ներկայացուցչի նկատմամբ բռնություն գործադրելու) և 235-րդ հոդվածի 4-րդ մասով, (ապօրինի զենք, ռազմամթերք, պայթուցիկ նյութեր կամ պայթուցիկ սարքեր ձեռք բերել, իրացնել, պահելը, փոխադրելը կամ կրելը) նախատեսված հանցանքներ կատարելու մեջ: