Ուղիղ 21 տարի առաջ այս օրը Արցախի Հանրապետությունում մեկնարկեց առաջին մարդահամարը

«Հետադարձ հայացք»

Ուղիղ 21 տարի առաջ՝ 2005թ. հոկտեմբերի 18-ին Արցախի Հանրապետությունում մեկնարկեց առաջին մարդահամարը։ Այն նախատեսված էր հոկտեմբերի 18-27-ը և դարձավ 1989 թվականի խորհրդային մարդահամարից հետո տարածաշրջանի բնակչության վերաբերյալ առաջին ամբողջական մարդահամարը։ Այս մասին կարդում ենք «Գոյամարտ» ֆեյսբուքյան էջից։

Մարդահամարի անցկացումը նշանակալի էր ոչ միայն վիճակագրական, այլև քաղաքական և պետականաշինական տեսանկյունից։ Այն նպատակ ուներ ստանալ բնակչության թվաքանակի, սեռատարիքային կազմի, բնակավայրերի, միգրացիայի և սոցիալ-ժողովրդագրական այլ ցուցանիշների համակարգված պատկերը։

Հետագայում հրապարակված վերջնական տվյալների համաձայն՝ Արցախի մշտական բնակչությունը կազմել էր 137 737 մարդ, որից 49 986-ը՝ Ստեփանակերտում։ Քաղաքային բնակչությունը կազմում էր 47 տոկոս, գյուղականը՝ 53 տոկոս։