Պուտինը Թրամփին է փոխանցել իրանական կողմի դիրքորոշումը. Պեսկով

Ռուսաստանի նախագահ Վլադիմիր Պուտինը Իրանի նախագահ Մասուդ Փեզեշքիանի հետ համաձայնեցմամբ ԱՄՆ նախագահ Դոնալդ Թրամփին է փոխանցել իրանական կողմի` հակամարտության հնարավոր կարգավորման վերաբերյալ տեսլականը: Այս մասին լրագրողներին հայտնել է ՌԴ նախագահի մամուլի քարտուղար Դմիտրի Պեսկովը։

Նրա խոսքով՝ Պուտինը Թուրքմենստանի գագաթնաժողովի շրջանակում շփումների ընթացքում երկու հանդիպում է ունեցել Փեզեշքիանի հետ, որոնցից մեկի ժամանակ նա Իրանի նախագահին տեղեկացրել է ԱՄՆ նախագահի հետ սպասվող հեռախոսազրույցի մասին:

«Եվ հետո արդեն Իրանի նախագահի հետ համաձայնեցմամբ Պուտինը Թրամփին է փոխանցել իրանական կողմի տեսլականը», - հայտնել է Պեսկովը: