Գազայի վերականգնումը չի սկսվի, քանի դեռ ՀԱՄԱՍ-ը զինաթափված չէ. Նեթանյահուի գրասենյակ

Իսրայելը և «Խաղաղության խորհուրդը» համաձայնության են եկել, որ պաղեստինյան ՀԱՄԱՍ շարժման զինաթափումը և Գազայի հատվածի ապառազմականացումը պետք է նախորդեն տարածքի վերականգնմանը։ Այս մասին հայտնել է Նեթանյահուի գրասենյակը։

Ինչպես փոխանցում է «ՌԻԱ Նովոստի»-ին, երկուշաբթի օրը Երուսաղեմում Նեթանյահուն բանակցություններ է վարել ԱՄՆ նախագահ Դոնալդ Թրամփի հատուկ բանագնաց Ջարեդ Քուշների և Գազայի հարցով «Խաղաղության խորհրդի» բարձրագույն ներկայացուցիչ Նիկոլայ Մլադենովի հետ։

«Որոշվել է ստեղծել երկու աշխատանքային խումբ։ Առաջինը կզբաղվի Գազայի զինաթափմամբ (ՀԱՄԱՍ-ի-խմբ.) և ապառազմականացմամբ. գործընթաց, որը Իսրայելը և «Խաղաղության խորհուրդը» մտադիր են իրականացնել հնարավորինս արագ և ավարտին հասցնել նախքան հատվածում վերականգնողական աշխատանքների մեկնարկը»,- ասվում է հաղորդագրության մեջ։