Հռոմի պապը կոչ է արել Ռուսաստանին և Ուկրաինային դադարեցնել հարձակումները քաղաքացիական թիրախների վրա

Հռոմի պապ Լևոն XIV-ը կիրակի կոչ է արել Ռուսաստանին և Ուկրաինային դադարեցնել հարձակումները քաղաքացիական օբյեկտների վրա և պահպանել միջազգային մարդասիրական իրավունքի նորմերը, հայտնում է Reuters-ը։

«Ողբերգական իրադարձությունները բազմապատկվում են՝ հանգեցնելով խաղաղ բնակչության, այդ թվում՝ երեխաների, շրջանում զոհերի թվի աճին», - հայտարարել է քահանայապետը կիրակնօրյա «Հրեշտակ Տեառն» աղոթքից առաջ։

Նա կրկին կոչ է արել հարգել միջազգային մարդասիրական իրավունքը և դադարեցնել հարվածները քաղաքացիական թիրախների վրա երկու կողմից էլ։

ՄԱԿ-ի տվյալներով, հակամարտության գրեթե չորսուկես տարվա ընթացքում զոհվել է ավելի քան 16 հազար խաղաղ բնակիչ, որոնց ճնշող մեծամասնությունը՝ Ուկրաինայում։

ՄԱԿ-ում նաև նշել էին, որ 2026 թվականի առաջին կեսին Ուկրաինայում խաղաղ բնակչության շրջանում զոհվածների և տուժածների թիվն աճել է ավելի քան մեկ երրորդով, այդ թվում՝ անօդաչու թռչող սարքերի հարձակումների թվի ավելացման պատճառով։