Հռոմի պապը կոչ է արել դադարեցնել պատերազմը

Հռոմի պապ Բենեդիկտոս 16-րդը կոչ է արել դադարեցնել արյունահեղությունները Լիբիայում եւ Քոթ դ’Իվուարում:

«Բռնությունն ու ատելությունը միայն փլատակների առջեւ են կանգնեցնում»,- այսօր հայտարարել է Բենեդիկտոս 16-րդը` հավելելով, որ կողմ է երկխոսություններին եւ խաղաղ ճանապարհով հաշտություն ձեռք բերելուն: Նա ասել է, որ հաշտեցում ձեռք բերելու նպատակով Քոթ դ’Իվուար է ուղարկվել կարդինալ Պիտեր Կոդվո Տարկսոնը, որին, սակայն, թույլ չեն տվել երկիր մտնել:

Ավարտելով իր ելույթը` Հռոմի պապն ասել է, որ աղոթում է զոհվածների հոգիների փրկության համար:

Associated Press-ն ընդգծում է, որ Հռոմի պապն իր ելույթում չի նշել, թե հաշտություն ձեռք բերելու նախաձեռնությունը ո՞ր կողմինը պետք է լինի: