ԱՄՆ-ն կկրճատի ՆԱՏՕ-ին տրամադրվող կործանիչների թիվը

ԱՄՆ-ը մեկ երրորդով կկրճատի Եվրոպայում գործողությունների համար ՆԱՏՕ-ին տրամադրվող կործանիչների թիվը, հայտնել է New York Times թերթը՝ հղում կատարելով փաստաթղթին։

Վաշինգտոնը հունիսի սկզբին տեղեկացրել է եվրոպացի դաշնակիցներին իր որոշման մասին, պարբերականը նշել է, որ ծանոթացել է այդ հեռագրի հատվածներին։

Ծրագրերը ներառում են F-16 և F-15E կործանիչների քանակի կրճատում՝ մոտ 150-ից մինչև 100։

Ծովային հետախուզական ինքնաթիռների թիվը կկրճատվի 26-ից մինչև 15, իսկ Եվրոպայի տրամադրության տակ նախկինում եղած բոլոր ութ լիցքավորող ինքնաթիռները կհանվեն շահագործումից։

Բացի այդ, ԱՄՆ-ը նախատեսում է վերատեղակայել հրթիռային սպառազինությամբ մեկ սուզանավ և մեկ ավիակիր, ինչպես նաև մի քանի ռազմանավ և տասնյակ ինքնաթիռներ, որոնք մասնակցում են ավիակիր խմբի առաքելություններին։

Եվրոպայի պաշտպանության համար նախկինում հատկացված երկու ռմբակոծիչ ավիախմբերից մեկը նույնպես կտեղափոխվի այլ տարածաշրջան։