Ռուսաստանը Եվրոպայի անբաժանելի մասն է. չի կարող լինել նրա գլխավոր սպառնալիքը. Պեսկով

Ռուսաստանը Եվրոպայի անբաժանելի մասն է և չի կարող լինել նրա գլխավոր սպառնալիքը։ Կրեմլի պաշտոնական ներկայացուցիչ Դմիտրի Պեսկովը այս մասին ասել է «Վեստի»-ի լրագրող Զարուբինի հետ զրույցում։

«Եվրոպական անվտանգության ճարտարապետությունը անհնար է պատկերացնել առանց Ռուսաստանի շահերի և մասնակցության հաշվի առնելու»,-նշել է նա։

Հիշեցնենք՝ Ֆրանսիայի նախագահ Էմանուել Մակրոնը ԱՄՆ նախագահ Դոնալդ Թրամփին, Ռուսաստանի նախագահ Վլադիմիր Պուտինի և Չինաստանի նախագահ Սի Ցզինպինի որակել էր որպես համաշխարհային առաջնորդների, որոնք «Եվրոպայի հակառակորդներն են»։

«Չպետք է թերագնահատել այն փաստը, որ սա եզակի պահ է, երբ ԱՄՆ նախագահը, Ռուսաստանի նախագահը և Չինաստանի նախագահը հակադրվում են եվրոպացիներին»,- հայտարարել էր Մակրոնը: