ՆԳՆ-ն հաստատեց․ ոստիկանական գվարդիայի մասնակցությամբ ավտովթար է տեղի ունեցել․ կա 1 զոհ, 12 վիրավոր

Ճանապարհատրանսպորտային պատահար՝ Քուչակ-Ապարան ճանապարհին․ նախաձեռնվել է քրեական վարույթ 

Ապրիլի 11-ին՝ ժամը 7.50-ի սահմաններում, Քուչակ-Ապարան ճանապարհին միմյանց են բախվել ՆԳՆ ոստիկանության գվարդիայի «Հոնդա» ավտոբուսը և «Նիսսան» մեքենա։ 

Ըստ նախնական տվյալների՝ ճանապարհատրանսպորտային պատահարի հետևանքով մահացել է 1, իսկ բուժօգնության դիմել՝ 12 անձ։ 

Նախաձեռնվել է քրեական վարույթ։

Հիշեցնենք, որ «Առաջ» աջակենտրոն կուսակցության գործադիր կոմիտեի անդամ Գագիկ Ասատրյանը ֆեյսբուքյան իր էջում գրել էր.

Իմ տեղեկություններով Ապարան քաղաքի մոտակայքում ավտովթար է տեղի ունեցել՝ քպ «սրտիկ անողներին» ուղեկցող ոստիկանական գվարդիայի ավտոբուսը բախվել է մեկ այլ մեքենայի, ում վարորդը տեղում մահացել է: