ՌԴ-ն դատապարտել է Թեհրանի Սուրբ Նիկողայոս ռուսական տաճարին հասցված ավիահարվածը

Մոսկվան խստորեն դատապարտում է կրոնական վայրերին հասցված ցանկացած վնաս։ Նման հայտարարությամբ հանդես է եկել Ռուսաստանի արտաքին գործերի նախարարության խոսնակ Մարիա Զախարովան՝ մեկնաբանելով Թեհրանի Սուրբ Նիկողայոսի ուղղափառ տաճարի վրա ամերիկա-իսրայելական հարվածը։

«Մենք խստորեն դատապարտում ենք կրոնական վայրերին հասցված ցանկացած վնաս»,-«ՌԻԱ նովոստի»-ի փոխանցմամբ, հայտարարել է դիվանագետը։

Նա ընդգծել է, որ Մոսկվան ցնցված է «ամերիկա-իսրայելական տանդեմի կողմից իրականացված ևս մեկ բարբարոսական օդային հարվածի հետևանքով ապրիլի 1-ին Թեհրանի Սուրբ Նիկողայոսի տաճարին հասցված լուրջ վնասի և զգալի նյութական կորուստների մասին լուրից»։

Զախարովայի խոսքով՝ ԱՄՆ-ի և Իսրայելի հարվածը վնասել է եզակի պատմական և ճարտարապետական ​​​​կառույցը, եզակի ուղղափառ եկեղեցի, որը գտնվում է Ռուս ուղղափառ եկեղեցու իրավասության ներքո և ներառված է Իսլամական Հանրապետության մշակութային ժառանգության ազգային ցանկում։