Վեհափառի` Վրաստան մեկնելու արգելքը բացասական արձագանք է ստացել միջազգային հարթակներում․ փաստաբան

Ամենայն հայոց կաթողիկոս Գարեգին Երկրորդին Վրաստան մեկնելու թույլտվություն չտրամադրելը բացասական արձագանք է ստացել ոչ միայն Հայաստանում, այլև միջազգային հարթակներում։ Sputnik Արմենիայի հետ զրույցում այս մասին ասաց փաստաբան Արա Զոհրաբյանը։

Նրա խոսքով՝ քննիչի որոշումը՝ թույլ չտալ Գարեգին Բ-ին մասնակցել Վրաստանի կաթողիկոսի հուղարկավորությանը, լուրջ խնդիր և խայտառակություն է։

Ավելի վաղ հայտնել էինք, որ Ամենայն հայոց կաթողիկոս Գարեգին Երկրորդը չի կարողանա մասնակցել Համայն Վրաստանի կաթողիկոս-պատրիարք Իլյա Երկրորդի հուղարկավորության արարողությանը։

«Սա շատ բացասական ազդեցություն է թողել. տարբեր երկրներում այս հարցն արդեն քննարկվում է, և բնականաբար, սա խայտառակություն էր մեր երկրի համար։ Բայց մենք տեսանք նաև, որ դրան նախորդող օրը Նիկոլ Փաշինյանը բացասական արտահայտվեց Վեհափառ հայրապետի հասցեին. արդեն այդ հաղորդագրությունից պարզ էր, որ քննիչը պետք է հենց այդ կերպ էլ վարվի։ Անկեղծ ասած՝ հույս ունեի, որ իրենք գոնե կգնան խելամտության կանխավարկածով, բայց, ցավոք, այդպես չեղավ»,- ասաց Զոհրաբյանը։

Մանրամաները՝ սկզբնաղբյուրում։