Սամվել Կարապետյանի ձերբակալությունը բացասական արձագանք է գտել ամբողջ սփյուռքում․ Արա Աբրահամյան

Հայաստանում խոշոր գործարար և բարերար Սամվել Կարապետյանի ձերբակալությունը մեծ արձագանք է ստացել  և բացասական ընկալվել ամբողջ աշխարհի հայկական սփյուռքում, ՌԻԱ Նովոստիին ասել է Ռուսաստանի հայերի միության նախագահ Արա Աբրահամյանը։

«Նա շատ հայտնի, հարգված անձնավորություն է, նրան ամբողջ աշխարհում ճանաչում և հարգում են որպես գործարար և բարերար։ Նա շատ բան է անում հանրապետության և աշխարհի հայերի համար։ Հետևաբար, իհարկե, նրա ձերբակալության հարցը հիմա քննարկվում է, ես հիմա ուղղակի չեմ կարողանում  աշխատել՝ հեռախոսը անընդհատ զանգում է», - ասել է Աբրահամյանը։

Նա հիշեցրել է, որ Ռուսաստանի հայերի միությունը ստորագրել է նամակ՝ ի պաշտպանություն Կարապետյանի, որը ստորագրել են 40 տարածաշրջանային մասնաճյուղերի ղեկավարներ։