Մանդատները վերցնելու ենք, 10․000 ձայնը պետք է ներկայացված լինի․ Սևակ Խաչատրյան

Մենք անպայման մանդատներ կվերցնենք. մենք պետք է ներկայացնենք այն 10,000 մարդկանց, ովքեր մեզ քվեարկել են Վաղարշապատի ավագանու ընտրություններում։ Այս մասին նոյեմբերի 18-ին լրագրողների հետ հանդիպման ժամանակ հայտարարել է ընդդիմադիր «Հաղթանակ» դաշինքի Վաղարշապատ համայնքի ղեկավարի թեկնածու Սևակ Խաչատրյանը։

Նա բացատրել է, որ ավագանիում դաշինքի խմբակցության կազմի վերաբերյալ քննարկումներ չեն եղել: Խաչատրյանը համաձայն չի եղել այն մտքի հետ, որ մանդատները ընդունելու որոշումը օրինականացնում է ընտրությունների արդյունքները (իշխող «Քաղաքացիական պայմանագիր» կուսակցության հաղթանակը – խմբ.), քանի որ ընտրությունները խաթարվել են կեղծիքներով: «Նույնիսկ ընտրություններից հետո մեր թիմի վրա ճնշումները շարունակվում են և կշարունակվեն, քանի որ իշխանությունները դա տեսնում են որպես խնդիր՝ առաջիկա հանրապետական ​​ընտրությունների համատեքստում», - հավելել է ընդդիմադիր քաղաքական գործիչը:

Նրա խոսքով՝ իշխանությունները Խոյ համայնքը միացրել են Վաղարշապատին՝ բացառապես ընտրություններում առավելություն ստանալու համար, քանի որ նրանք այնտեղ ձայների մեծամասնությունը՝ ստացել են միայն իրենց զգալի վարչական ազդեցության շնորհիվ։ Խաչատրյանը հավելել է, որ հաշվի առնելով դա՝ իշխանություններն ընտրությունների նախօրեին և քվեարկության ընթացքում փորձել են վերահսկողության տակ պահել քվեարկությունը։

«Խոյը մեր համար նոր համայնք է. շատ բնակիչներ ինձ չէին ճանաչում: Սա նույնպես ազդեցություն ունեցավ ընտրությունների արդյունքների վրա: Վստահ եմ, որ համայնքի բնակիչները շուտով կհասկանան, որ սխալմամբ քվեարկել են Հայաստանի իշխող «Քաղաքացիական պայմանագիր» կուսակցության օգտին», - ընդգծել է Սևակ Խաչատրյանը:

Նա հաստատել է, որ ինքը եղել է Հայաստանի ներկայիս էկոնոմիկայի նախարար Գևորգ Պապոյանի քավորը՝ թե՛ նրա հարսանիքին, թե՛ մկրտությանը։ «Սակայն մեր հարաբերությունները հիմա սառեցված են. հարաբերություններ չկան», - պնդել է ընդդիմության առաջնորդը։

Ավելին՝ տեսանյությում: