Պուտինը շնորհավորել է երգիծաբան Եվգենի Պետրոսյանին 80-ամյակի կապակցությամբ

ՌԴ նախագահ Վլադիմիր Պուտինը շնորհավորել է երգիծաբան Եվգենի Պետրոսյանին հոբելյանի կապակցությամբ՝ կարևորելով նրա վարպետությունն ու իմպրովիզատորի տաղանդը։ Շնորհավորանքը հրապարակվել է Կրեմլի կայքում։

Երգիծաբան, գրող, ՌՍՖՍՀ ժողովրդական արտիստ Եվգենի Պետրոսյանն այսօր նշում է իր 80-ամյակը։

«Հարգելի՛ Եվգենի Վահանի, ընդունեք շնորհավորանքներս 80-ամյա հոբելյանի կապակցությամբ։ Էստրադայի բազմաթիվ սիրահարներ և՛ մեր երկրում, և՛ նրա սահմաններից հեռու Ձեզ ճանաչում են որպես հրաշալի արտիստ, բարձր են գնահատում ձեր վարպետությունն ու իմպրովիզատորի տաղանդը, անկրկնելի հումորն ու հմայքը, ընտրած մասնագիտությանը անսահման նվիրվածությունը», - ասված է շնորհավորանքում։

ՌԴ նախագահն արտիստին մաղթել է առողջություն, ոգեշնչում և ստեղծագործական երկարակեցություն։