Ագրարայինում զոհված զինծառայողի մորը և երկարամյա դասախոսին ստիպում են ազատվել աշխատանքից՝ նրան համարելով թշնամի

Ագրարային համալսարանի դասախոս Գվիդոն Մատինյանը պատմել է, թե ագրարային համալսարանում ինչպես են վարվել դասախոս, զոհված զինծառայողի մայր Արևիկ Ազիզյանի հետ, ով համարձակություն է ունեցել խոսել համալսարանական խնդրիների մասին.

«Համալսարանի դոցենտ, Բալահովիտի ուսումնափորձնական տնտեսության ֆերմայի վարիչ, ռեկտորի թեկնածու Արևիկ Ազիզյանը ռեկտորի ընտրության ժամանակ 10 րոպե ներկայացրել է իր ծրագիրը, քննադատել է Բալահովիտի տնտեսության վիճակը: Օրինակ, քամին քշել է գոմի տանիքը և 4 տարի այն չի վերանորոգվում: Խոսել է նաև այլ պրոբլեմների մասին: Ընտրությունից հետո Բալահովիտի տնտեսության Վարդան անունով տնօրենը Արևիկ Ազիզյանին ասում է, որ դիմում գրի-ազատվի, քեզ համարում են թշնամի: Գիտությունների թեկնածու է, հաճախ գիտական հոդվածներ է գրում, ուսանողների հետ պրակտիկ դասեր է անում: Ունի 4 տղա, որոնցից մեկը զոհվել է: Առանց ամոթի զգացումի Ազիզյանին դիմում գրել են տալիս: Ասում են՝ քո գլխին միևնույն է սարքելու են, դիմումը գրի»,- պատմել է Մատինյանը:

Հիշեցնենք, որ Ազիզյանի որդին՝ Նորայր Բաբասյանը, զոհվել է 2022 թվականի սեպտեմբերի 13-ին՝ Ադրբեջանի կողմից ՀՀ-ի դեմ իրականացված լայնածավալ հարձակման ժամանակ։