Ագրարայինում փորձում են ազատել զոհվածի մորը, ով հանդգնել է հավակնել ռեկտորի պաշտոնին

Հայաստանի ազգային ագրարային համալսարանի հոգաբարձուների խորհուրդը ռեկտորի պարտականությունները կատարող Հրաչյա Զաքոյանին մարտի 19-ին ընտրել է ռեկտոր: 

Ռեկտորի մրցույթին մասնակցել է նաև դոցենտ Արևիկ Ազիզյանը, ով նաև աշխատել է համալսարանի Բալահովիտ ուսումնափորձնական տնտեսությունում: 

Ընտրության օրը Ազիզյանն իր խոսքում խիստ քննադատել է ագրարայինի ներկայիս ղեկավարությանը: 

Yerkir.am-ի տեղեկություններով՝ նորընտիր ռեկտոր Հրաչյա Զաքոյանը ծանր է տարել քննադատությունը, որի արդյունքում նշված տնտեսությունում փորձում են ազատվել Արևիկ Ազիզյանից։

Արևիկ Ազիզյանը շուրջ 30 տարի աշխատում է ագրարային համալսարանում: 

Ազիզյանի որդին՝ Նորայր Բաբասյանը, զոհվել է 2022 թվականի սեպտեմբերի 13-ին՝ Ադրբեջանի կողմից ՀՀ-ի դեմ իրականացված լայնածավալ հարձակման ժամանակ։ 

Հ.Գ. Ի դեպ այսօր կառավարությունը Ժաննա Անդրեասյանի օրհնությամբ «չզեկուցվող» հարցերի շարքում  պատրաստվում է հաստատել Հ. Զաքոյանի ընտրության արդյունքները: