Օլանդը ճաշի է հրավիրել Ամստերդամ-Փարիզ գնացքում ահաբեկչին դիմադրած հայ դասախոսին

Հայտնի է դարձել նախորդ շաբաթ Ամստերդամ-Փարիզ գնացքում իսլամական ահաբեկիչներին դիմադրություն ցուցաբերածներից մեկի անունը:

Ըստ The Telegraph-ի՝ գնացքում ահաբեկիչ Այուբ էլ Խազանի ձեռքից ինքնաձիգը խլելով՝ նրան դիմադրել է Փարիզի Սորբոնի համալսարանի աշխատակից, ազգությամբ հայ դասախոս Մարկ Մուգալյանը։

Նա օգնության է հասել 28-ամյա ֆրանսիացուն, որը նույնպես փորձում էր դիմադրել ահաբեկչին։ Մուգալյանն այդպիսով ցանկացել է պաշտպանել կնոջը՝ Իզաբելա Ռիսաչերին, ով այդ պահին ևս գնացքում է եղել, սակայն ահաբեկիչն այլ զենքով կրակել է Մուգալյանի պարանոցին։ Այդ պահին գնացքի 3 ամերիկացի ուղևորներ, որոնցից 2-ը եղել են զինծառայողներ, և բրիտանացի գործարար Քրիս Նորմանը օգնության են հասել և զինաթափել հարձակվողին։

The Telegraph-ի հետ զրույցում Մուգալյանի քույրն ասել է, որ Ֆրանսիայի նախագահը զանգահարել է եղբորը և հրավիրել ճաշի, երբ ապաքինվի։