Լարսի սահմանին շուրջ 1000 մեքենա խցանման մեջ է

Ռուս-վրացական սահմանի Լարսի անցակետում մեքենաների կուտակումներ են։ Այս տեղեկությունը հայտնել են վրացական լրատվամիջոցները։  Տեղեկության համաձայն՝ հուլիսի 22-ի ժամը 01:30-ից մինչև 08:00-ն սահմանը փակ է եղել սողանքների սպառնալիքի պատճառով, ինչը հետաձգել է տրանսպորտային միջոցների երթևեկությունը, և տարածքում կուտակվել է մինչև 1000 տրանսպորտային միջոց։

Օրվա ընթացքում, չնայած սահմանի բացմանը, տրանսպորտային միջոցների երթևեկությունը զգալիորեն դանդաղ է ընթացել, ինչի հետևանքով երկարատև խցանումներ են առաջացել։

Ըստ լրատվամիջոցների՝ մարդկանց մեծ մասը Թբիլիսի է մեկնում հուլիսի 23-ին կայանալիք Ջասթին Թիմբերլեյքի համերգին մասնակցելու համար։