Քաղաքական նպատակներով խոշորացնում եք համայնքները, որ ձեր ուզած մարդուն բերեք․ Ղազարյանը՝ Խուդաթյանին

ԱԺ-ում «Հայաստան» խմբակցության պատգամավոր Արման Ղազարյանը քննադատեց Վաղարշապատի և Խոյի համայնքների միավորման նախաձեռնությունը՝ այն համարելով քաղաքական նպատակով պայմանավորված և չհիմնավորված։

«Եթե չկա քաղաքական նպատակ, բերեք հստակ հիմնավորում։ Ձեր ներկայացրած փաստաթղթում չկա ոչ մի իրական չափորոշիչ, ոչ ենթակառուցվածքների, ոչ հեռավորության հաշվարկ, ոչ հանրային քննարկում»։

Ղազարյանը նաև նկատեց, որ նման խոշորացում արդեն կատարվել է 2021-ին, և ներկայումս այդ համայնքներն արդյունավետորեն իրականացնում են իրենց լիազորությունները։

«Հանրային քննարկում չի եղել։ Քարտեզները կազմվել են առանց ձևավորված կարգի»։

Նրա խոսքով՝ իշխանությունը կրկին փորձում է օգտագործել վարչական ռեսուրսն ու խոշորացումը՝ ցանկալի անձանց նշանակման նպատակով։

Մանրամասն՝ տեսանյութում։