Իրանի ԱԳՆ-ն ՄԱԿ-ի Անվտանգության խորհրդին կոչ է անում դատապարտել Իսրայելի հարձակումը

Իրանը ՄԱԿ-ի Անվտանգության խորհրդին կոչ է անում ընդունել բանաձև՝ իսլամական հանրապետության վրա Իսրայելի հարձակման դատապարտմամբ: Այդ մասին հայտարարել է Իրանի արտաքին գործերի նախարարության պաշտոնական ներկայացուցիչ Էսմայիլ Բաղային:

«ՄԱԿ-ի բոլոր անդամ պետությունները, ներառյալ Անվտանգության խորհրդի հինգ մշտական ​​անդամները, պետք է դիրքորոշում արտահայտեն այդ հարձակման առթիվ, դատապարտեն այն և ձեռնարկեն լուրջ քայլեր, այդ թվում բանաձևի ընդունման միջոցով՝ հստակ և ոչ երկիմաստ ձևակերպմամբ, որը դատապարտի այդ հարձակումը», - ասել է դիվանագետը։

Նա նաև Միացյալ Նահանգներին կոչ է արել պաշտոնապես ագրեսիա անվանել Իսրայելի հարձակումը: 

Բաղային նշել է, որ ԱՄՆ-ի և մյուս արևմտյան երկրների կողմից համապարփակ աջակցությունն Իսրայելին սկսել է մեծ սպառնալիք դառնալ միջազգային խաղաղության և անվտանգության համար։