Պուտինը չի ցանկանում մեկնել Վատիկան Ուկրաինայի հետ բանակցելու համար

ՌԴ նախագահը չի մեկնի Իտալիա՝ անվտանգության նկատառումներից ելնելով, ինչպես նաև այն պատճառով, որ Ռուսաստանը Վատիկանին հակամարտության չեզոք կողմ չի համարում: Այս մասին հաղորդում է Bloomberg գործակալությունը:

Աղբյուրի հաղորդմամբ Վատիկանի մասնակցությունը բանակցություններին թերահավատություն է առաջացնում նաև Ռուս ուղղափառ եկեղեցու մոտ, որը Սուրբ Աթոռը դիտարկում է որպես պատմական մրցակից Ուկրաինայում:

Խաղաղության մասին ապագա համաձայնագրի պայմանները քննարկելու հարթակ Մոսկվային ավելի շատ ձեռնտու է Թուրքիան։

Ռուսական «Իզվեստիա» թերթը միաժամանակ գրում է, որ ՌԴ ԱԳՆ-ն չի բացառում Ուկրաինայի հետ բանակցությունների հաջորդ փուլի անցկացումը Վատիկանում: