Ջամու և Քաշմիրի շրջաններից բնակիչներին տարհանելու հրահանգ է տրվել

Հնդկաստանի կողմից Պակիստանում գտնվող թիրախներին հասցված հարվածներից հետո վերանայվել է Ջամու և Քաշմիրի նահանգում անվտանգային իրավիճակը, և որոշում է ընդունվել մի քանի խոցելի շրջաններից բնակիչներին տարհանել ավելի անվտանգ վայրեր։  Այս մասին հաղորդում է The Indian Express պարբերականը։

Ջամու և Քաշմիրի նահանգապետ Մանոիջ Սինհան հայտարարել է, որ անձամբ է հետևում իրավիճակին, և որ իր վարչակազմը պատրաստ է ցանկացած զարգացման։

Հիշեցնենք՝ Հնդկաստանն այսօր վաղ առավոտյան հրթիռային հարվածներ է հասցրել Պակիստանին գտնվող ինը թիրախի՝ նշելով, որ դրանք ահաբեկչական գործունեության կենտրոն էին հանդիսանում։ «Սինդուր գործողությունը», ինչպես Հնդկաստանն անվանում է Պակիստանի վրա հարվածները, երկրի պատասխանն է ապրիլի 22-ին Պահալգամում 26 մարդու կյանք խլած ահաբեկչական հարձակմանը, որի մեջ Նյու Դելին մեղադրում է Իսլամաբադին։