Թրամփը հերքում է լուրերը, որ DOGE-ը քաղաքական նպատակներով ամերիկացիների տվյալներ է հավաքում

ԱՄՆ նախագահ Դոնալդ Թրամփը մերժել է որոշ քաղաքական գործիչների և քննադատների ենթադրությունները, որ Իլոն Մասկի կառավարության արդյունավետության դեպարտամենտը (DOGE) քաղաքական նպատակներով հավաքում է հասարակ ամերիկացիների անձնական տվյալներ։

«Ինչպես գիտեք, սա ճիշտ չէ։ Կարծում եմ՝ սա խելագար հարց է։ Մենք ուղղակի ուզում ենք բացահայտել խարդախությունը, չարաշահումները։ Գտեք նրանց, ովքեր [սոցիալական նպաստների] ցուցակներում են, ովքեր չպետք է լինեին այնտեղ, ովքեր ստանում են ամսական վճարումներ կառավարությունից, ովքեր չպետք է ստանային դրանք։ Արդյո՞ք այս մարդիկ գոյություն ունեն։ Շատ դեպքերում նրանք չկան, իսկ որոշ դեպքերում, ավելի վատ՝ նրանք գումար են ստանում, երբ չպետք է ստանային», - ասել է Թրամփը՝ պատասխանելով Time ամսագրին տված հարցազրույցում այդ մասին հարցին։