Եվրոդատարանում 80-ից ավելի տեսանյութ ունենք, հիմա եթե հայցերը հետ քաշեն, ի՞նչ է լինելու. Ռուզաննա Ստեփանյան

ՄԻԵԴ-ում այսօր ունենք ավելի քան 80 տեսանյութ, որոնք ապացուցում են, որ տղաները գերեվարվել են  ադրբեջանցի ասկյարների կողմից և այժմ այդ հայցերը հարցականի տակ է դրված։ Եթե կառավարությունը հետ կանչի այդ հարցերը, ապա այս անձինք մնում են ձեռնունայն, այդ դուռը ևս փակվում է։ Այս մասին գերեվարված և անհետ կորած անձանց հարազատների ակցիայի ընթացքում լրագրողների հետ զրույցում ասաց Ռուզաննա Ստեփանյանը։

«Վերջին շրջանում մի քիչ տեղաշարժ եղավ և հանկարծ կառավարությունը հայտարարում է, որ այս ծնողների հայցերը հետ են վերցնելու։ Որևէ մեկը դրա իրավունքը չունի, դա իրավունքների կոպտագույն խախտում է»,- նշեց նա՝ հավելելով, որ Ադրբեջանը կարող է ամեն օր նոր պահանջներ դնել, իսկ մերոնք պարզապես ցանկանում են սողացող  խաղաղության թուղթը կարողանան ստորագրել։

Մանրամասն՝ տեսանյութում