Ճնշումներն անարդար են, բայց կարամ պաշտպանվեմ․ ՔՊ-ն Հովիկ Աղազարյանի նկատմամբ քրեական հետապնդում է նախաձեռնում

Ինչպես հայատնի է, ՀՀ գլխավոր դատախազ Աննա Վարդապետյանն ԱԺ-ում ներկայացրեց Հովիկ Աղազարյանի նկատմամբ քրեական հետապնդում հարուցելուն համաձայնություն տալու մասին միջնորդագիրը։  Լրագրողները ԱԺ-ում ճեպազրույցի ժամանակ Հովիկ Աղազարյանից հետաքրքրվեցին, թե արդյո՞ք տեղյակ է, որ  SMS են ուղարկել բոլոր ՔՊ-ական պատգամավորներին, որ իրեն անձեռնմխելիությունից զրկելու հարցով իրենց կողմ քվեարկությունը նկարեն: Աղազարյանը պատասխանեց․ «Ես այդպիսի տեղեկություն չունեմ, քանի որ չեմ շփվում ՔՊ-ական պատգամավորների հետ»։

Հարցին՝ հավատո՞ւմ եք, որ իրավապահ համակարգն արդար կլինի իր նկատմամբ, Աղազարյանը պատասխանեց. «Ես կարող եմ պաշտպանվել: Անարդարացի են ճնշումները, բայց ես կարող եմ պաշտպանվել: Իհարկե, սա քաղաքական հետապնդում է:

Ես իմ ելույթում ասելու եմ որոշակի բաներ, այս ամեն ինչը հո օդից չընկա՞վ, ինչ-որ հիմք կար, ինչ-որ պատճառ կար, որ  ես հայտնվեռլ եմ այս վիճակում»:

Նա ընդգծեց, որ առաջին պատճառը Նիկոլ Փաշինյանին մերժելն է: