ՀՕՊ-ը ուկրաինական ԱԹՍ-ներ է ոչնչացրել Ռուսաստանի երեք շրջանների վրա. ՊՆ

Ռուսական ՀՕՊմիջոցները մեկ գիշերվա ընթացքում երեք ուկրաինական անօդաչու թռչող սարք են ոչնչացրել Լիպեցկի մարզում, երկուսը՝ Ռոստովի և երկուսը՝ Բելգորոդի շրջանում, հայտնել են Ռուսաստանի պաշտպանության նախարարությունից:

«Անցած գիշերվա ընթացքում ՀՕՊ-ի հերթապահ միջոցների կողմից ոչնչացվել են ուկրաինական 7 անօդաչու թռչող սարքեր. երեք ԱԹՍ ՝ Լիպեցկի մարզի տարածքում, երկու ԱԹՍ՝ Ռոստովի մարզի տարածքում ու երկու ԱԹՍ՝ Բելգորոդի մարզի տարածքում», - նշված է հաղորդագրության մեջ:

Հիշեցնենք՝ 2022 թվականի փետրվարի 24-ին սկսվեց Ռուսաստանի և Ուկրաինայի միջև զինված հակամարտություն՝ Ռուսաստանի զինված ուժերի կողմից Ուկրաինայի տարածք ներխուժմամբ։ Մոսկվայի ժամանակով մոտավորապես ժամը 05:30-ին Ռուսաստանի նախագահ Վլադիմիր Պուտինը հայտարարեց Ուկրաինայի «ապառազմականացման և դենացիֆիկացման հատուկ գործողության» մասին, որից րոպեներ անց հրթիռային հարվածներ սկսվեցին Ուկրաինայի տարբեր վայրերում։ Մարտական գործողություններն ընթանում են մինչ օրս։